Зәйдә Ринат Фәрдиев турнирына старт бирелде

Бүген «Яшьлек» боз сараенда Р.Ш. Фәрдиев истәлегенә көрәш ярышларын ачу тантанасы булды. Ярышларда Татарстанның 18 районыннан һәм Россиянең 5 төбәгеннән 23 команда составында 250 спортчы катнаша. Ачылу тантанасында Зәй муниципаль районы башлыгы Кәримов Разиф Гали улы, Россия Федерациясе Федераль Собраниесенең 8 нче чакырылыш Дәүләт Думасы депутаты Иванов Анатолий Петрович, Татарстан Республикасы Дәүләт Советы депутатлары Хамаев Азат Кыям улы, Комаров Рияз Фоат улы, мәдәни мирас объектларын саклау буенча Татарстан Республикасы Комитеты Рәисе Гущин Иван Николаевич, Татарстан Республикасы спорт министрлыгы вәкиле Гатауллин Айрат Мөдәрис улы, Россия Көрәш федерациясе башкарма директоры Мөбәрәкҗанов Ришат Булат улы, Татарстан Республикасы Көрәш федерациясе башкарма директоры Таһиров Марсель Шәрипҗан улы, ярышларның баш хөкемдары Фәйзуллин Рәкыйп Нәҗип улы катнашты һәм чыгыш ясады. Зәй муниципаль районында милли көрәшне популярлаштыруга зур өлеш керткән өчен Зәй муниципаль районы Башлыгының Рәхмәт хаты белән бүләкләнде: Татарстан Республикасы Көрәш федерациясе башкарма директоры Таһиров Марсель Шәрипҗан улы, Намуслы хезмәте һәм Зәй муниципаль районының спорт резервын әзерләүгә керткән өлеше өчен Зәй муниципаль районы Башлыгының Рәхмәт хаты белән бүләкләнде: Асадова Рамилә Марсель кызы - физик культура һәм спорт идарәсенең әйдәп баручы белгече; Зәй муниципаль районының мәдәният, спорт һәм туризм идарәсе белән спорт чараларын һәм ярышларын оештыруда һәм уздыруда хезмәттәшлек иткән өчен Зәй муниципаль районы башлыгының Рәхмәт хаты белән бүләкләнде: Арсланова Оксана Ивановна - шәхси эшмәкәр. Татарстан Республикасында физик культураны һәм спортны үстерүгә һәм популярлаштыруга керткән өлеше өчен һәм 65 яшьлек юбилее уңаеннан Татарстан Республикасы спорт министры Рәхмәте көрәш ветераны Сәхабетдинов Раиф Фәиз улына тапшырылды. Физик культура һәм спорт белән шөгыльләнү өчен шартлар тудыруга керткән өлеше өчен Россия көрәш федерациясенең Рәхмәт хаты белән бүләкләнде: Зәй муниципаль районы Башкарма комитеты җитәкчесе Галиев Эмиль Эдуард улы; көрәш буенча халыкара ярышларда күрсәткән күренекле спорт казанышлары өчен Россия көрәш федерациясенең Рәхмәт хаты белән бүләкләнде: Сәлахов Радик Сирин улы -Зәй муниципаль районының Көрәш буенча җыелма командасы әгъзасы; Зәй муниципаль районында көрәшне үстерүгә керткән өлеше өчен Татарстан Республикасы Федерациясенең Рәхмәт хаты һәм истәлекле сәгать белән бүләкләнде: Гадершин Илфат Нуриәхмәт улы - спорт ветераны, Чыбыклы авыл җирлеге башлыгы; Ишматов Айрат Харис улы - спорт ветераны, «Югары Шепкә төп гомуми белем бирү мәктәбе» муниципаль бюджет гомуми белем бирү учреждениесенең физик культура укытучысы. Зәй муниципаль районында көрәшне үстерүгә керткән өлешләре өчен Татарстан Республикасы Көрәш федерациясенең Рәхмәт хаты белән Зәй муниципаль районы көрәш буенча җыелма команда әгъзалары: Хәмидуллин Руслан Роберт улы, Ибраһимов Җәмил Фәнис улы, Фаршатов Рамил Фәнис улы бүләкләнде. Ярышлар ике көн дәвам итәчәк.