Зәй районында авыл җирлекләре башлыклары семинары узды

Бүген Югары Пәнәче авыл җирлегендә районның авыл җирлекләре башлыклары семинары узды. Семинар эшендә район башлыгы Разиф Кәримов, район Башкарма комитеты җитәкчесе Эмиль Галиев, район Советы һәм Башкарма комитетының җаваплы хезмәткәрләре катнашты. Семинарның пленар өлешенә кадәр Түбән Пәнәче авылында вак таш-ком катнашмасы программасы буенча ясалган юлларны карадылар, Зәйнәшев һәм Миңнеханов крестьян-фермер хуҗалыкларында булдылар. Урта Пәнәче һәм Югары Пәнәче авылларында ремонт ясалган фельдшер-акушерлык пунктларында булдылар. Шулай ук авыл җирлеге яныннан үтүче Чаллы - Түбән Кама урау юлы төзелешен карадылар. Пленар өлеш Югары Пәнәче авылы мәдәният йортында узды. Кереш сүз белән район башлыгы Разиф Кәримов мөрәҗәгать итте. Җирле үзидарә органнарының 2024 елның 9 аендагы эше турында авыл җирлеге башлыгы Мөнир Туктаров сөйләде. Гражданнарны контракт буенча хәрби хезмәткә сайлап алу буенча план үтәлеше белән район Башкарма комитеты җитәкчесе Эмиль Галиев таныштырды. Район Башкарма комитеты җитәкчесенең икътисадый үсеш буенча урынбасары Марат Хәбибуллин 2024 елның 9 аена авыл җирлекләре эшчәнлегенә аерым күрсәткечләр буенча бәя бирде. Районның авыл хуҗалыгы һәм азык-төлек идарәсе башлыгы Фәргать Кәмәлиев шәхси ярдәмче хуҗалык тотучы гражданнарга чыгымнар өлешен каплауга Татарстан Республикасы Авыл хуҗалыгы һәм азык-төлек министрлыгы субсидияләрендә катнашу буенча авыл җирлекләре эшенә анализ ясады. Райондагы наркологик вәзгыять турында Зәй үзәк район хастаханәсе баш табибы Айдар Фатыйхов сөйләде, БРИКС илләре саммитына әзерлек һәм аны уздыру чорында террорчылыктан саклану буенча өстәмә чаралар күрү турында мәгълүмат белән, Эчке эшләр министрлыгының Зәй районы буенча бүлеге өлкән участок уполномоченные Николай Комаров таныштырды. Район башлыгы Разиф Кәримов утырышта каралган барлык юнәлешләр буенча эшне тагында активлаштырырга өндәде.