Зәй шәһәре укучылары "Бер ил, бер гаилә, бер Россия" дип аталган чарада катнаштылар

«Космос» кинотеатры муниципаль бюджет кино учреждениесе хезмәткәрләре «Россия Федерациясе гражданнарына патриотик тәрбия бирү» төбәк проектының «Мәгариф»милли проекты кысаларында актив эш алып баралар. 2023 елның 30 сентябреннән Россиядә истәлекле дата - Донецк Халык Республикасы, Луганск Халык Республикасы, Запорожье өлкәсе һәм Херсон өлкәсе Россия Федерациясе белән берләшү көне билгеләп үтелә. Ул 2023 елның 28 сентябрендә «Россиянең Хәрби дан көннәре һәм истәлекле даталары турында» Федераль законга кертелгән үзгәрешләр нигезендә билгеләнде. Әлеге истәлекле дата алдыннан Зәй шәһәренең «Космос» кинотеатрына татар гимназиясе укучылары чакырылган иде. Балалар өчен "Бер ил, бер гаилә, бер Россия" программасы үткәрелде. Мәктәп укучылары республикалар тарихындагы мөһим вакыйгалар, Донбассның Россия өчен әһәмияте, махсус хәрби операциянең исән һәм һәлак булган геройлары турында мавыктыргыч хикәя тыңладылар. Чара азагында балалар өчен зур, куәтле һәм дус ил-Россия турында видеоролик күрсәтелде. Класс җитәкчесе Л.И. Жайляева сүзләренә караганда, мондый чаралар үсеп килүче буынны үз Ватанын яратырга, илебез тарихын истә тотарга, аның символларын хөрмәт итәргә, аның белән горурланырга һәм һичшиксез безнең һәрберебезне аның бер кисәкчәсе булуын истә тотарга чакыра. Чарада Р.Ш.Фәрдиев исемендәге татар гимназиясеннән 22 укучы катнашты.