Зәйдә наркотикларга каршы комиссия утырышы узды

Бүген администрациянең кече залында наркотикларга каршы комиссия утырышы булды, анда Зәй муниципаль районы башлыгы урынбасары П.С. Уразайкин катнашты. Көн тәртибендә түбәндәге мәсьәләләр каралды: “Районда наркоманияне, алкоголизмны, ВИЧ-инфекцияне профилактикалау һәм сәламәт һәм имин яшәү рәвешен пропагандалау мәсьәләләре буенча халыкны агарту эшләре турында” Зәй үзәк район хастаханәсе психиатр – наркологы И.Ф. Салихов чыгышы тыңланды. Икенче мәсьәлә: “МӘК” ведомствоара оператив-профилактик операциясе нәтиҗәләре турында Россия Эчке эшләр министрлыгының Зәй районы буенча бүлеге полиция башлыгы урынбасары Э.Н. Ефимов чыгыш ясады. Өченче мәсьәлә: “Наркотикларга каршы комиссиянең эшен, профилактик чаралар үткәрүнең планнарын һәм нәтиҗәләрен массакүләм мәгълүмат чараларында яктырту” темасына “ТАТМЕДИА” АҖ филиалы “Зәй-информ” баш мөхәррире А.К. Исаков чыгышы тыңланды. Наркотикларга каршы комиссия рәисе урынбасары комиссия әгъзаларын һәм утырышта катнашучыларны эшне активлаштырырга чакырып, утырышка йомгак ясады.