Зәйдә Бөтенроссия эшкә урнаштыру ярминкәсе узды
17 апрельдә Зәй районы мәшгульлек үзәгендә "Россия эше. Мөмкинлекләр вакыты". Быел чара инде өченче тапкыр узды, һәм аның төбәк этабы бөтен Россия буенча ике меңнән артык мәйданчыкны колачлады. Зәйдә тугыз эш бирүче эш эзләүчеләргә 126 эш урыны тәкъдим иткән. Зәйлеләргә уңайлы булсын өчен ярминкә берьюлы биш мәйданчыкта җәелдерелде. Аларның иң мөһиме – "Мөмкинлекләр территориясе" - катнашучыларга кадрлар хезмәте вәкилләре белән шәхсән аралашырга мөмкинлек бирде. Шулай ук карьера мәсьәләләре буенча индивидуаль консультацияләр зонасы эшләде, анда теләгән һәркемгә нәтиҗәле резюме төзү, әңгәмә узу һәм үз-үзен тәкъдим итү серләре ачылды. Эшкә урнашу ярминкәсенә үзләре теләгән эшне эзләп төрле яшьтәге зәйлеләр килде. Һәркемнең-чара ачкан мөмкинлекләргә үз карашы. Ватанны саклаучыларга ярдәм итү өчен «үзебезнекеләр өчен эш» консультация мәйданчыгы эшләде. «Бердәм Россия» партиясенең җирле бүлеге локациясе аерым күрсәтелде, анда «Бердәм Россия белән минем карьерам» проекты кысаларында яшьләр өчен һөнәри юнәлеш тесты оештырылды. Эшкә урнашу ярминкәсендә катнашучыларда виртуаль чынбарлык күзлекләрендә һөнәрләр дөньясына виртуаль сәяхәт һәм «һөнәр дизайны» профориентацион эшлекле уен аеруча кызыксыну уятты.