Зәй районы хәрби хезмәткәр Р.И. Алтынбаевны соңгы юлга озатты

Бүген Зәй районы махсус хәрби операциядә катнашучы рядовой Алтынбаев Рөстәм Илдар улы белән хушлашты. Хәрби хезмәткәрнең гомере хәрби бурыч үтәү барышында өзелгән. Матәм мәрәсиме "Энергетик" мәдәният сараенда узды. Район башлыгы Р.Г. Кәримов хәрби хезмәткәрнең туганнарына һәм якыннарына кайгы уртаклашу сүзләре белән мөрәҗәгать итте. "Бүген без монда якташыбыз Алтынбаев Рөстәм Илдар улын соңгы юлга озатырга җыелдык, аның гомере махсус хәрби операция зонасында хәрби биремне үтәгәндә өзелде. Ул үз гомерен Ватан, тынычлык һәм Россиянең киләчәге өчен бирде. Соңгы көнгә кадәр хәрби антына тугры калып, Россия солдатлары белән иңгә-иң куеп, Рөстәм Илдар улы үз гомере бәрабәренә илебез чикләрен фидакарьлек һәм батырлык белән саклады. Татарстан Республикасы Рәисе Рөстәм Нургали улы Миңнеханов исеменнән, шәхсән үз исемемнән, барлык зәйлеләр исеменнән кайгыгызны уртаклашам! Сугышчы тыныч йокласын", - диде Разиф Галиевич. Мәрхүмне озатырга килүчеләр алдында шулай ук Татарстан Республикасы Дәүләт Советы депутаты Илшат Әминов, Зәй шәһәре һәм Зәй районы хәрби комиссары Айрат Әгъләмҗанов чыгыш ясады. Хәрби хезмәткәрне соңгы юлга барлык хәрби хөрмәтләр белән озаттылар. Солдатны бер минут тынлык белән искә алдылар. Рөстәм Илдар улын Мирный бистәсе зиратына җирләделәр. Герой турындагы якты истәлек зәйлеләрнең йөрәкләрендә мәңге яшәр.