"Экстремизмга-юк!" атналыгы турында

Россия Федерациясендә 2024-2028 елларга террорчылык идеологиясенә каршы торуның комплекслы планы нигезендә Зәй муниципаль районында 2024 елның 2 сентябреннән "Экстремизмга-юк!" һәм террорчылыкка каршы көрәштә теләктәшлек көненә - Бесландагы фаҗигале вакыйгаларны искә алу көненә багышланган чаралар оештырыла. Бу көннәрдә шәһәрдә һәм районда истәлекле датага багышланган иҗтимагый-сәяси, мәдәни-агарту һәм спорт чаралары: мәктәп линейкалары, сыйныф сәгатьләре, көч структуралары хезмәткәрләре, җәмәгать эшлеклеләре, традицион дин вәкилләре катнашында хәтер һәм батырлык дәресләре, террорчылыкка каршы тору темасына стена газеталары, иншалар, рәсемнәр тематик конкурслары, китап һәм сәнгать күргәзмәләре, укучылар һәм студентлар өчен дискуссия мәйданчыклары узачак. Мәдәният учреждениеләрендә сәнгать проектлары (әдәби-музыкаль кичәләр, концерт-реквиемнар, спектакльләр, лекцияләр, күргәзмәләр, тематик кино күрсәтүләр) гамәлгә ашырылачак. Шулай ук истәлекле даталарга багышланган спорт турнирлары, фестивальләр һәм беренчелекләр оештырылачак.