Зәйдә чыгарылыш сыйныф укучылары аттесттатлар алды

2024 елның 28 июне, җомга

28 июньдә Зәй районында 11 урта мәктәпнең 115 чыгарылыш сыйныф укучысына тантаналы шартларда урта гомуми белем турында аттестатлар тапшырылды. Аннары «Энергетик» мәдәният сарае мәйданында муниципаль «Чыгарылыш балы - 2024» узды. «Алтын фонд» номинациясендә район башлыгы Разиф Галиевич Кәримов һәм мәгариф идарәсе җитәкчесе Эрнст Рәис улы Сәфәргалиев 23 укучыга I һәм II дәрәҗә «Укуда махсус уңышлар өчен» алтын медальләре тапшырды. Шулай ук “Олимпия резервлары, “Ватанга хезмәт итәм” һәм “Илһам һәм иҗат” номинацияләрендә дә бүләкләр тапшырылды.