Зәй политехник көллияте студентлары дипломнар алды
Бу уку елында Зәй политехник көллияте 122 квалификацияле белгеч чыгарды, шуларның 23е иң яхшы дипломга ия булды. Колледж тәмамлаучыларга дипломнарны район башлыгы Разиф Гали улы Кәримов тапшырды. "Бүгенге көн сезнең барыгыз өчен дә мөһим вакыйга. Без монда чыгарылыш сыйныф укучыларын, иртәгә үк һөнәри юлын башлаячак яшь белгечләрне котларга җыелдык. Сезнең һәрберегез озын уку юлын үтте, күп авырлыкларны һәм киртәләрне җиңде, кирәкле белем һәм күнекмәләр алды. Сез максатларыгызга ирешерсез һәм хыялларыгызны тормышка ашырырсыз. Без сезнең белән горурланабыз һәм Зәй политехник көллиятен тәмамлаучы исемен намус белән йөртерсез дип ышанып калабыз!,- диде район җитәкчесе чыгарылыш сыйныф укучыларына мөрәҗәгать итеп. Ул шулай ук колледж коллективына, ата-аналарга да үзенең рәхмәт сүзләрен җиткерде һәм әлеге мөһим вакыйга белән котлады.