Зәй делегациясе «Бердәм РОССИЯ» Бөтенроссия сәяси партиясенең Татарстан төбәк бүлеге XXXVI конференциясендә катнашты

Бүген Сәид-Галиев исемендәге мәдәният сарае бинасында «Бердәм РОССИЯ» Бөтенроссия сәяси партиясенең XXXVI конференциясе узды. Конференциядә Зәй районы башлыгы Разиф Кәримов җитәкчелегендәге делегация катнашты. Делегация составына «Бердәм РОССИЯ» партиясенең җирле бүлекчәсе вәкилләре һәм партиянең беренчел бүлекчәләре әгъзалары керде. Көн тәртибенә 11 мәсьәлә кертелде, шул исәптән «Бердәм РОССИЯ» Бөтенроссия сәяси партиясенең Татарстан төбәк бүлегенең сайлау алды программасы каралды һәм кабул ителде, Татарстан Республикасы Дәүләт Советы депутатларын сайлауда катнашу буенча бурычлар билгеләнде, шулай ук бердәм сайлау округы буенча да, бер мандатлы сайлау округлары буенча да ТР Дәүләт Советына депутатлыкка кандидатлар тәкъдим итү белән бәйле мәсьәләләр каралды.