Зәйлеләр махсус хәрби операциядә катнашучы белән хушлашты
Бүген Зәй махсус хәрби операциядә катнашучы - кече сержант Илдар Зиннур улы Латыйпов белән хушлашты. Матәм чарасы «Энергетик» мәдәният йортында узды. Район башлыгы Р. Г.Кәримов, Татарстан Республикасы Хөкүмәте кураторы И.Н. Гущин, шәһәр һәм район хәрби комиссары А. Ф. Әгъләмҗанов хәрбинең туганнары һәм якыннары, барлык зәйлеләрнең кайгысын уртаклаштылар. Россия Федерациясе Президенты Указы белән хәрби бурычын үтәгәндә күрсәткән батырлыгы һәм фидакарьлеге өчен кече сержант Илдар Латыпов үлгәннән соң Батырлык ордены белән бүләкләнде. Илдар Латыйповны соңгы юлга барлык хәрби тәртипләрне үтәп озаттылар. Солдатны бер минут тынлык белән искә алдылар. Хәрби хезмәткәрне Чыбыклы авылы зиратында җирлиләр. Герой турында хәтер зәйлеләрнең йөрәкләрендә мәңге яшәр.