«Энергетик» мәдәният йортында яшь зәйлеләрне күмәч белән каршы алдылар

Мәктәп яны лагерьлары балалары өчен чара «Пой, русская душа» рус җыры фестивале кысаларында узды. Борынгы заманда Русьта кадерле кунакларны шулай каршы алганнар. Балалар белән халык уеннары да уйнадылар. Рус халык уеннарының күп гасырлык тарихы бар. Бу уеннарда балаларның карт әби—бабалары уйнаган. Аларны еш кына бәйрәмнәрдә ишегалларында оештырганнар. Рус халык уеннары һәрвакыт халыкны җыя торган чакырулардан башлана. Оештыручылар яшь кунакларын «Сундучок» халык чакыруы белән чакырып, чараны «Клубочек» уены белән башладылар. Балаларга «Изба», «Ручеек», «Кошки - мышки» һ. б. хәрәкәтчән уеннар бик ошады. Балаларга уеннар тарихы турында сөйләделәр, халык тавышлы уен кораллары белән таныштырдылар. Балалар рәхәтләнеп әйлән- бәйлән уеннарында катнаштылар, «Улыбка» халык үрнәк хореография коллективы чыгышын карадылар һәм «Злато» вокаль ансамбле солисткасының җырларын тыңладылар. Уен, бигрәк тә рус халык уены, битараф калдырмый. Шулай итеп, “Энергетик” мәдәният сарае кунаклары да бик күп тәэсирләр һәм яхшы кәеф алдылар.