Зәйдә яңа автобуслар 7 мартта линиягә чыга

Зәй районы шәһәр эчендәге һәм шәһәр яны транспорты өчен биш заманча уңайлы автобус алды. Автобус паркын яңарту «куркынычсыз һәм сыйфатлы юллар» федераль проекты ярдәмендә Татарстан Республикасы Раиса Р.Н. Миңнеханов һәм район башлыгы Р.Г. Кәримов ярдәме белән мөмкин булды. Автобусларны Түбән Новгород өлкәсенең Павлов шәһәрендәге заводтан алып, 700 километрдан артык араны үтеп, Зәйгә кадәр кайтарып җиткерделәр. Хәзерге вакытта рейска чыгарга әзерлек һәм параллель рәвештә документларны рәсмиләштерү эшләре бара: муниципаль баланска кабул итү, иминиятләштерү, техник карау, ЮХИДИдә исәпкә кую, мәгълүмати җиһазлар белән тәэмин итү кебек эшләр башкарыла , — дип сөйләде район башкарма комитеты җитәкчесе Эмиль Галиев. Транспорт чараларының кайбер техник характеристикалары: алар уртача класслы, 17 утыру урынлы, номиналь сыйдырышлылык 53 пассажир, ягулык төре - газ метан, экологик класс Евро — 5. Табигый газ белән эшләүче шәһәр транспорты экологик хәлне дә үзгәртәчәк, төтен чыгудан зыянны киметәячәк. Яңа автобусның маршрут линиясенә беренче чыгуы 7 мартта планлаштырыла. Пассажир транспорты шәһәр һәм шәһәр яны маршрутларында файдаланылачак.