Зәй укукчылары Халыкара туган тел көнен билгеләп үттеләр

Бүген 4нче урта гомуми белем мәктәбендә «Гаилә, тел һәм җыр – бербөтен!» дигән чара узды. Анда шәһәр мәктәпләренең 2-11нче сыйныф укучылары катнашты. Туган тел көненә багышланган чара милли киемнәр кигән укучыларның мәктәпкә керүчеләрне, кунакларны төрле телләрдә сәламләве белән башланып китте. 4нче мәктәп укучылары Гаилә елына багышланган «Тере музей» проектын күрсәттеләр. Беренче күргәзмә гаиләләребездәге гореф-гадәтләрне, йолаларны чагылдырды. Анда гаилә фотосурәтләре, шәҗәрәләр куелды. Безнең халкыбыз “Җиде буыныңны бел!”- дип юкка гына әйтми ул. Буыннарыңны онытмас өчен, үзеңнең нәсел агачыңны белергә кирәк. Икенче күргәзмәдә Фәртдиновлар гаиләсе белән таныштылар. Кош, оясында нәрсә күрсә, очканда шуны эшли, - ди безнең халык. Бу гаилә үзенең яраткан шөгыльләрен тамашачыга тәкъдим итте. Өченче күргәзмә “Ә хәзер бераз елмаеп алыйк!” дип аталды. Укучылар сәхнәләштерелгән мәзәкләр куйдылар. Чараның 2нче өлешендә укучылар туган телебезгә булган мөнәсәбәтләрен, олы ихтирам хисләрен җыр, шигырьләр аша белдерделәр. Бәйрәм чарасы бөек татар шагыйре Габдулла Тукайның “Туган тел” җыры белән тәмамланды. Катнашучылар һәм кунаклар эмоциональ көч алды!