Татарстан Республикасында «Россия ел укытучысы» конкурсының зона этабы

Иҗади эшләүче педагогларны ачыклау, аларга ярдәм итү һәм аларны бүләкләү, укытучы хезмәтенең абруен күтәрү, Зәй муниципаль районында Татарстан Республикасының иң яхшы укытучыларының педагогик тәҗрибәсен тарату максатыннан, 14 февральдә «Россия Ел укытучысы» һәм «Иң яхшы татар теле һәм әдәбияты укытучысы» Бөтенроссия конкурсының зона этабы узды. Түбән Кама районы мәктәпләре базасында «Р.Ш.Фәрдиев исемендәге Татар гимназиясе»нең укытучылары: биология укытучысы Шәйдуллина Динара Рәис кызы, рус теле һәм әдәбияты укытучысы Ильина Наталия Владимировна, татар теле һәм әдәбияты укытучысы Әүхәдиева Дания Мөнзил кызы ачык дәресләр үткәрделәр һәм мастер-класслар күрсәттеләр. Конкурсантлар дәресне үткәрү һәм анализлау өлкәсендә һөнәри компетенцияләр күрсәттеләр, үзләренең һөнәри эшчәнлекләрендә төрле ысуллар, алымнар һәм технологияләр куллану буенча мастер-класслар тәкъдим итеп, эш тәҗрибәләре белән уртаклаштылар. Нәтиҗәләр буенча иң яхшы педагоглар Казан шәһәрендә узачак конкурсның республика этабына чакырылачак.