Зәй муниципаль районында - “Стажировка”

2024 ел Татарстан Республикасы социаль хезмәт күрсәтү оешмалары җитәкчеләренең һәм белгечләренең һөнәри компетенцияләрен камилләштерү, эшнең алдынгы тәҗрибәсен тарату һәм социаль инновацияләрне үстерү буенча стажировка мәйданчыклары булдыру белән билгеләнде. 15 февральдә “Участок социаль хезмәте” программасы буенча “Зәй муниципаль районындагы Татарстан Республикасы Хезмәт, халыкны эш белән тәэмин итү һәм социаль яклау министрлыгының “Радость” халыкка социаль хезмәт күрсәтү комплекслы үзәге” укыту мәйданчыгы кысаларында беренче семинар оештырды. Анда Мөслим, Сарман, Тукай һәм Минзәлә муниципаль районнарының гаиләгә һәм балаларга социаль ярдәм күрсәтү бүлекләре мөдирләре һәм белгечләре катнашты. Көн программасы теоретик өлешен дә, практиканы да үз эченә алды. Стажировка кураторы "Участок социаль хезмәте" формалашу моделен тәкъдим итте, практиканы оештыру һәм норматив-хокукый озату, гаиләләр һәм балалар белән эшләү рәвешләре белән таныштырды. Очрашу барышында катнашучылар балалы гаиләләргә социаль ярдәм күрсәтү, социаль участокларда социаль-педагогик һәм социаль-психологик ярдәм күрсәтү, «участок социаль ярдәм хезмәте» эшчәнлеге кысаларында документлар рәсмиләштерү мәсьәләләре буенча фикер алыштылар. Көннең икенче яртысында стажерларга беркетелгән территориаль участокның консультация пунктларының берсе базасында «гаилә мирасы» программасы буенча төркемле дәрестә катнашу тәкъдим ителде. Семинар йомгак ясау, проблемалар турында фикер алышу, киңәшләр бирү һәм анкеталар тутыру белән тәмамланды. Стажерларга стажировка узу турында сертификатлар тапшыру күңелле мизгел булды. Стажировканың төп максаты-белгечләрнең һөнәри һәм шәхси компетентлыгын арттыру, һөнәри проблемаларны хәл итүгә ирешелде.