Мәктәпкәчә мәгариф учреждениеләрендә тәрбияләнүчеләр ярышларда катнаштылар

2024 елның 25 гыйнвары, пәнҗешәмбе

24 гыйнварда «Энергетик» мәдәният йорты мәйданында Бөтендөнья кышкы спорт төрләре көненә багышланган мәктәпкәчә белем бирү учреждениеләре тәрбияләнүчеләре арасында «Кышкы күңел ачулар» ярышларының 1 этабы узды. Үзара "Күкчәчәк" һәм "Кояшкай" командалары ярышты. Авыр көрәштә "Кояшкай" командасы җиңү яулады һәм  ярышларының финалына чыкты. Катнашучылар ярышлардан канәгать калдылар һәм призлар да алдылар.