Зәй өлкәннәре өчен Татарстан Республикасында фәнни-технологик үсеш елы кысаларында чара үткәрелде
Социаль хезмәтләрдән файдаланучы Зәй өлкәннәре өчен Татарстан Республикасында Фәнни-технологик үсеш елы кысаларында чара үткәрелде. 19 нчы гыйнвардан «Радость» комплекслы үзәгендә социаль хезмәт алучылар өчен социаль эшләр буенча белгечләр һәм социаль хезмәткәрләр Татарстан Республикасында фәнни-технологик үсеш елына багышланган танып белү чаралары үткәрә башладылар. Ул Россия фәненең өч йөз еллыгына багышланды. Өч йөз ел элек Петр I тарафыннан Россия Фәннәр академиясенә нигез салына. Нәкъ менә бу адым Россия фәне барлыкка килүгә - XXI гасырда да Россиянең бүгенгесе һәм киләчәге, аның көче һәм мөстәкыйльлегенә нигез салды. Татарстан Республикасында Фәнни-технологик үсеш елы кысаларында өйгә социаль хезмәт күрсәтү бүлеге хезмәткәрләре үзләренең хезмәт алучыларына республикада үсә торган һәм эшли торган «Алабуга» һәм «Иннополис» махсус икътисадый зоналары, «Химград» технополисы, «Мастер» КИП, ИT-парклары турында сөйләргә планлаштыралар. Россия фәненең өч йөз еллыгына багышланган әңгәмәгә презентация әзерләнде, видеороликлар сайлап алынды. Узган елның ноябрендә ВДНХда ачылган «Россия» Халыкара күргәзмә – форумы да игътибарсыз калмады. Өйдә социаль хезмәт күрсәтү бүлеге карамагындагылар өчен 57 нче павильон буенча «Фән һәм технологияләр унъеллыгы» виртуаль экскурсиясе оештырылды. Мондый эш формасы аз хәрәкәтле өлкән яшьтәге гражданнарга безнең илдәге вакыйгалар турында хәбәрдар булырга, аларга карата үз мөнәсәбәтеңне тоярга мөмкинлек бирә.