Зәй яшьләре- «Пушкин картасы» проектында актив катнашучылар
2023 елда «Пушкин картасы» проектын гамәлгә ашыру кысаларында, Зәй муниципаль районы яшьләре өчен «Космос» кинотеатрында мәдәният министрлыгы һәм кино фонды ярдәме белән эшләнгән алтмыштан артык Россия фильмы күрсәтелде. 2023 елда программа кысаларында иң популяр фильмнар: әкиятләр арасында “Чебурашка” һәм “По щучьему велению”, хәрби фильмнар “Праведник”, “Нюрнберг” һәм “Сокровища партизанского леса», маҗаралы фильм "Повелитель ветра", «Хоккейные папы» спорт фильмы һәм 2023 елның иң көтелгән «Вызов» фильмы. Узган елда барлыгы 6 365 тамашачы «Пушкин картасы» буенча билетлар сатып алган. Проектның иң актив катнашучылары-Зәй мәктәпләре укучылары № 1, №3, №4, №6, №7, Р.Ш.Фәрдиев исемендәге Татар гимназиясе һәм Зәй политехник көллияте студентлары. "Пушкин картасы" - хәзерге яшүсмерләр өчен уникаль карта, рухи яктан үсеш алу, киңәйтү, мәдәни кыйммәтләргә кушылу, музейларга, театрларга, филармонияләргә, кинотеатрларга һәм башка мәдәният учреждениеләренә бару мөмкинлеге дә. Моннан тыш, “Пушкин картасы" шәхси акчаларны экономияли, чөнки дәүләт мәдәни чараларга йөрү өчен түли. Кинотеатр директоры Н.А. Столбова фикеренчә, безнең районда программаны тормышка ашыру – мәгариф учреждениеләренең дә уңышлы эше. Педагоглар һәм сыйныф җитәкчеләре мәдәният учреждениеләренең алыштыргысыз элемтәдәшләре. Алар балаларга «Пушкин картасы» н рәсмиләштергәндә барлыкка килгән мәсьәләләрне хәл итәргә ярдәм итәләр, мәдәният учреждениеләренә массакүләм килүне оештыралар, «Пушкин картасы» н куллануны даими күзәтеп торалар, балаларга якын арада карта буенча кая барырга кирәклеген әйтәләр. 2024 елның 1 гыйнварыннан карта яңадан биш мең сумга тулыланды, шуларның ике меңен кино билетларына сарыф итәргә мөмкин булачак.