Зәй районында яшәүче хатын-кыз үзенең бизнес-идеясен тормышка ашырды

Зәй шәһәренең халыкны эш белән тәэмин итү үзәге ярдәмендә «Кече һәм урта эшмәкәрлек һәм шәхси инициативага ярдәм» милли проекты буенча үз эшен үстерүгә бер тапкыр бирелә торган финанс ярдәме алган Юлия Шабанова үзенең уңышлы тарихы белән уртаклашты. Юлия Шабанова эш эзләү максатыннан Зәй шәһәренең халыкны эш белән тәэмин итү үзәгенә мөрәҗәгать итте. "Мин иҗади кеше, офиста эшләү минем өчен түгел. Мин күбрәк ирекле булуны яратам, үз эш нәтиҗәләремне күрергә телим. Мәшгульлек үзәге белгечләре миңа «Демография» милли проектының «Мәшгульлеккә ярдәм» федераль проекты кысаларында бушлай укырга тәкъдим иттеләр. Порталда күп санлы укыту программалары тәкъдим ителгән. Мин тиз арада үзем өчен кызыклы «График дизайн нигезләре» программасын таптым. Уку дистанцион рәвештә узды, дәресләр бик уңайлы һәм танып белүчән, практик эшләр җитәрлек иде. Мәшгульлек үзәге белгечләре «Кече һәм урта эшмәкәрлек һәм шәхси инициативага ярдәм» милли проекты буенча үз бизнесын ачуда бер тапкыр бирелә торган финанс ярдәме алу мөмкинлеге турында сөйләделәр. Минем күптәннән реклама, баннерлар һәм башка полиграфия хезмәтләре күрсәтү буенча бизнес идеям бар иде. Мин үземне сынап карарга булдым, бизнес-план төзедем һәм аны уңышлы якладым. Шулай итеп минем полиграфия бизнесында эшем башланды. Алынган акчага җиһазлар сатып алдым Һәм бүгенге көндә мин үз эшчәнлегемне уңышлы алып барам. Милли проектлар ярдәмендә мин яңа белемнәр алдым һәм бизнес идеямне тормышка ашырдым».