Зәй шәһәрендә укытучы һәм остаз елын ябу тантанасы булды

Бүген "Энергетик" мәдәният сараенда укытучы һәм остаз елын ябу тантанасы булды. Бәйрәм чарасында район башлыгы Р.Г. Кәримов, район Башкарма комитеты җитәкчесе Э. Э. Галиев, мәгариф идарәсе башлыгы Э. Р. Сәфәргалиев һәм мәгариф оешмалары җитәкчеләре коллективы катнашты. Ел йомгаклары буенча үсеп килүче буынны укыту һәм тәрбияләү өлкәсендә төрле күрсәткечләр буенча иң яхшы бакчалар һәм мәктәпләр билгеләнде. Разиф Кәримов Зәй районы мәгариф системасының үз традицияләре һәм характеры барлыгын билгеләп үтте, даими белем бирүнең, педагогик кадрларның квалификациясен күтәрүнең, иң яхшы нәтиҗәләргә ирешү өчен командада эшләүнең мөһимлеген ассызыклады һәм Яңа Елда уңышлар теләде! Чара мәгариф системасы хезмәткәрләрен бүләкләү белән тәмамланды.