«Энергетик» мәдәният сараенда "Кече Ватан"-дип аталган танып белү чарасы узды
Өченче мәктәп укучылары өчен Зәй шәһәренең «Энергетик» мәдәният сараенда «Кече Ватан"-дип аталган танып белү чарасы узды. Бу гадәти булмаган һәм танып белү квизы «Мәгариф» милли проектының «РФ гражданнарын патриотик тәрбияләү»төбәк проекты кысаларында яшь буынның игътибарын туган як тарихына, мәдәниятенә һәм традицияләренә җәлеп итү максатыннан оештырылган. Мавыктыргыч чарада өченче сыйныф укучылары катнашты. Алар зур энтузиазм белән командаларга бүленеп, Зәй районының иң яхшы белгечләре исеме өчен ярыштылар. Оештыручы Елена Храмова биремнәргә шәһәр һәм район тарихыннан кызыклы фактлар кертергә тырышкан, шулай итеп, катнашучылар үзләренең кечкенә ватаннары турында күп яңа һәм файдалы нәрсәләр белә алдылар. "Мин бүген безнең районда туган, хәзерге вакытта академияләрдә эшләүче танылган галимнәрнең булуын белдем", - дип үз тәэсирләре белән уртаклашты чара да катнашучы Радмир. Чара җылы һәм дустанә атмосферада узды, ә җиңүчеләр истәлекле призлар һәм дипломнар белән бүләкләнделәр.