Зәйдә социаль хезмәт күрсәтүче өлкәннәр өчен ведомствоара чара үткәрелде
Декабрь ае төрле истәлекле даталарга бай булып чыкты. Аларның күбесенә социаль эшләр буенча белгечләр һәм Зәй комплекслы үзәгенең “Радость” социаль хезмәткәрләре өйдә социаль хезмәт алучылар өчен төрле тематик чаралар әзерләргә тырышалар. Бу чараларны үткәрү формаларын төрлеләндерү өчен “Радость” үзәге хезмәткәрләре шәһәр китапханәсе һәм туган якны өйрәнү музее белән тыгыз хезмәттәшлек урнаштырды. Бу өлкән яшьтәге кешеләрнең аралашу даирәсен киңәйтергә, танып-белү очрашуларын үткәргәндә бертөрлелекне булдырмаска мөмкинлек бирә. Россия Федерациясе Конституциясенең утыз еллыгына авыл китапханәчеләре тарафыннан мәгърифәтчелек чаралары әзерләнде. Өлкән яшьтәге кешеләрнең аз хәрәкәтләнүен, салкын һава торышын исәпкә алып, китапханәчеләр социаль хезмәткәрләр белән очрашу вакытын килешеп, үзәкнең тәрбияләнүчеләре йортына әңгәмәләр үткәрергә килделәр, алар күргәзмә материаллар әзерләгәннәр, өлкәннәрнең өйләрендә импровизацияләнгән күргәзмәләр оештырдылар. Социаль хезмәт алучылар очрашудан бик канәгать калдылар. Алар өчен бу аралашу, яңа мәгълүмат алу мөмкинлеге дә бирә.