Зәйлеләр «Зур этнографик диктант» акциясенә кушылды

Россия Федерациясенең «Дәүләт милли сәясәтен гамәлгә ашыру» дәүләт программасын гамәлгә ашыру кысаларында 2023 елның 3 ноябреннән 8 ноябренә кадәр шәһәр һәм районның барлык мәктәпләрендә «Зур этнографик диктант» VIII Халыкара мәгърифәтчелек акциясе узды. Зур этнографик диктант проектының бурычы - катнашучыларны Россиядә яшәүче халыклар мәдәнияте белән таныштыру, этномәдәни грамоталылык һәм эрудиция дәрәҗәсен бәяләү. 2023 елда акция «Халыклар күп - ил бер!» девизы астында узды. Зәй районында диктантта 920дән артык укучы һәм педагог катнашты. Акциядә катнашучылар тест биремнәрендәге сорауларның кызыклы булуын билгеләп үттеләр. Диктант нәтиҗәләре 2023 елның 12 декабрендә - Россия Федерациясе Конституциясе көнендә билгеле булачак.