Хөрмәтле шәһәр һәм район халкы!
Зәй муниципаль районының мәдәният өлкәсендә хезмәт күрсәтү шартларының сыйфатын бәйсез бәяләү барышында ачыкланган җитешсезлекләрне бетерү буенча чаралар планы нигезендә 9 ай эчендә түбәндәге эшләр башкарылды: мәдәният учреждениеләренең сайт һәм стендларына ай саен кирәкле мәгълүмат урнаштырыла, гражданнарны сораштыру өчен анкета урнаштырылган: https://dk-zainsk.ru/dvorec/normativnye-dokumenty, https://kosmos.pw/info/doc, https://zaibib.ru/dlya-chitatelya/, https://zainsk.tatarstan.ru/opros-dlya-provedeniya-nezavisimoy-otsenki-4705169.htm, https://edu.tatar.ru/zainsk/roo/page4656419.htm; килүчеләр өчен уңайлы көтү урыннары, оешмалар эчендә навигация оештырылган; учреждениеләргә килүчеләргә хәбәр итү һәм аларны озату гамәлгә ашырыла; эчәргә яраклы су салынган савытлар урнаштырылган; санитар-гигиена бүлмәләре сабын, бәдрәф кәгазе белән тәэмин ителгән; ВКонтакте муниципаль бюджет кино учреждениесенең рәсми төркемендә сәламәтлек саклау өлкәсендә эшләүче кешеләрнең тормышы һәм иҗаты турында онлайн-форматта фильмнар күрсәтелә; «Тигез мөмкинлекләр кинозалы» проектын тормышка ашыру кысаларында, күрү сәләте бозылган кешеләр өчен «Мәхәббәт һәм күгәрчен» фильмы күрсәтелде; Сәламәтлеге бозылган балалар өчен «Имин юл» профилактика чарасы, «Татарстанның традицияләре һәм гореф-гадәтләре»тематик чарасы үткәрелде.