Зәй аграрийлары шикәр чөгендере чәчүгә керештеләр

Апрельнең җылы һава торышы бөртеклеләрне генә түгел, техник культураларны да чәчүгә уңай тәэсир итә. Бүген Зәй районы игенчеләре шикәр чөгендере чәчүгә керештеләр, аның мәйданы быел 8905 гектар тәшкил итәчәк. Чәчүгә 34 берәмлек чәчкеч җәлеп ителәчәк, шуларның 12 се - киң колачлы 24 рәтле. Чәчү технологиясе бөтен нечкәлекләренә кадәр уйлап эшләнгән. Көз көне үк комбайннар басулардан китүгә, чөгендер өчен билгеләнгән сөрүлекләрдә туфракны җитди әзерләү башлана: 2,8 ц. хлорлы калий һәм 1 гектарга 1,3 ц. аммофоска кертелә. Яз көне, турыдан-туры чәчү алдыннан, тырмалау өчен 1 гектарга 2 ц. аммиак селитрасы кертелә. Чәчү әйләнеше буенча, шикәр чөгендере алдагы елны көзге бодай игелгән мәйданда үстерелә. Узган еллардагы кебек үк, сорт сынау участокларында 50гә якын шикәр чөгендере гибриды чәчеләчәк. Хәзер басуда техник культураның иртә гибридын чәчү бара. Аны тәҗрибәле механизаторлар Шәрәфиев Айдар һәм Столбов Сергей алып бара. Шикәр чөгендере чәчүдә барлык агрегатларның җитештерүчәнлеге-тәүлегенә 1100 гектар.