Зәйдә радиация аварияләрендә һәлак булганнарны искә алдылар

Бүген Җиңү Бульварында, Чернобыль АЭСында һәм башка радиация һәм техноген һәлакәтләрнең нәтиҗәләрен бетерүдә катнашкан Зәй шәһәрендә яшәүчеләргә куелган мемориаль таш янында, Чернобыль атом электростанциясендәге һәлакәтнең 36 еллыгына багышланган тантаналы митинг булып узды. Бу көнне 1986 елда иң куркыныч техноген һәлакәтләрнең берсе була, ул Чернобыль тирәсендәге меңләгән коткаручыларның һәм халыкның гомерен алып китә. Аның нәтиҗәләрен бетерү эшләренә йөзләгән мең кеше җәлеп ителгән, шул исәптән 77 кеше Зәй муниципаль районыннан чакырылган. Ликвидаторларның батырлыгы һәм фидакарьлеге булмаса, әлеге нәтиҗәләрнең масштаблары әйтеп бетергесез зур булырга мөмкин иде. ЧАЭС авариясен бетерүдә катнашучылар, аларның якыннары, туганнары һәм укучыларга сәламләү сүзе белән Зәй муниципаль районы башлыгы урынбасары Уразайкин Петр Сергеевич, хәрби комиссар Әгъләмҗанов Айрат Фоат улы, “Форпост” директоры Алексеев Алексей Васильевич мөрәҗәгать итте. Чернобыль атом электростанциясендәге һәлакәт нәтиҗәсендә һәлак булган гражданнар истәлегенә "бер минутлык тынлык" игълан ителде. Митинг ахырында истәлек билгесенә чәчәкләр куелды. Митингтан соң Зәй балалар музыка мәктәбендә Чернобыль һәлакәте нәтиҗәләрен бетерүдә катнашучылар өчен концерт программасы оештырылды.