Зәйдә «Тату сыйныф серләре» Республика конкурсының зона этабы узды

22 апрель көнне «Энергетик» мәдәният йортында ата-аналар комитетларының «Тату сыйныф серләре» дигән республика конкурсының зона этабы узды. Конкурста Әлмәт, Зәй, Түбән Кама, Яр Чаллы һәм Лениногорск шәһәрләре командалары катнашты. Компетентлы жюри конкурсантларны өч номинация буенча бәяләде: визит карточкасы, иҗади проектны яклау, күргәзмә. Аерым фәннәрне тирәнтен өйрәнүле 7 нче мәктәп укучылары һәм ата-аналар командасы 1 нче урынны яулады һәм Казан шәһәрендә узачак финалда Зәй данын яклаячак.