26-28 гыйнварда «Старт» спорт-сәламәтләндерү комплексында 2006-2007 елгы егетләр һәм кызлар арасында ирекле көрәш буенча Татарстан Республикасы беренчелеге уза.

26-28 гыйнварда Зәй «Яшьлек» боз сараенда 2013 елгы командалар арасында хоккей буенча төбәкара турнир уза: Түбән Кама шәһәренең «Нефтехимик»,Әлмәт шәһәренең «Нефтяник», Балаково шәһәренең «Кристалл», Самара шәһәренең «ХК академиясе», Уфаның «Авангард», Зәй шәһәренең «Яшьлек» командалары катнаша.

Билингваль белем бирү мәсьәләләре буенча һөнәри үсеш максатында, 24-25 гыйнварда Зәй шәһәре «Тиремкәй» балалар бакчасы базасында мәктәпкәчә белем бирү учреждениеләре педагоглары «ФГОСны тормышка ашыру кысаларында татар милли төркемнәрендә белем бирү өлкәләрен интеграцияләү» темасы буенча квалификация күтәрү курслары узды.

Бүген Аксар авыл җирлегендә район башлыгы Кәримов Разиф Галиевич район Башкарма комитеты җитәкчесе Галиев Эмиль Эдуардович катнашында Физик культура, спорт һәм туризм идарәсенең кече коллегиясе узды.