«Бөртеккәй» балалар бакчасында «Эколатлар көне»
Бөтенроссия «Эколатлар көне»н бәйрәм итү кысаларында 25 нче апрельдә «Бөртеккәй» балалар бакчасында төрле тематик чаралар уздырылды. «Эколатлар көне» - Бөтенроссия табигатьне саклау социаль-мәгариф проектларының бер чарасы. Эколатлар көненең төп максаты: экологик культураны һәм мәктәпкәчә яшьтәге балаларга белем бирүне үстерү һәм нәтиҗәдә табигатьне, аның үсемлек һәм хайваннар дөньясын саклау.
Бу көнне «Бөртеккәй» балалар бакчасында «Эколатлар – дуслар һәм табигатьне саклаучылар»- тематик көне булды. Балалар әкият геройлары Эколатлар дуслары һәм табигатьне саклаучылар: Шалун, Умница, Тихоня һәм Елочка белән таныштылар һәм уйнадылар. «Эколатлар» балаларга табигатьтә үз-үзләрен тоту кагыйдәләрен: ничек эш итәргә һәм ничек эш итәргә ярамавы турында сөйләделәр. Тәрбиячеләр «Эколатлар белән табигатьне танып беләбез» дигән викторина үткәрделәр. Балалар белән чүп-чарның барлыкка килүе һәм аның күп җыелуы экологик проблемага зыян китерергә мөмкин булуы турында әңгәмә үткәрелде. Балалар чүп-чарны сортларга бүлергә өйрәнделәр. Урамга чыккач алар бакча участогын җыештырдылар. «Без бакчада төрле төстәге чәчәкләр утырттык» - проекты кысаларында «Эколатлар» чәчәкләргә су сиптеләр, табигать почмагындагы барлык чәчәк яфракларын сөрттеләр. Чаралар да бик күңелле, кызыклы, ә иң мөһиме файдалы узды. Мәктәпкәчә яшьтәге балалар табигатьне чын саклаучылар булырга һәрвакыт әзер!