«Истәлеккә агач утырт» акциясе

Зәйнең «Алтынчәч» балалар бакчасында яхшы гадәт бар - ел саен мәктәпкә әзерлек төркеменә йөрүче балалар әти-әниләре һәм тәрбиячеләре белән бергә яз көне агач утырталар. Бүген агач утырту вакытында күңелле атмосфера хөкем сөрде: балалар өлкәннәргә бик теләп ярдәм иттеләр - үсентеләрне тотып тордылар, өлкәннәр агачларны җир белән күмделәр, су сиптеләр. Агачларга карап, тәрбиячеләр һәрвакыт шат күңелле кызларны һәм малайларны искә алачак. Еллар узгач, тәрбияләнүчеләр балалар бакчасына йөргән вакытларын искә төшерәчәк, ә тәрбиячеләр алар белән горурланачак.