Зәйдә хокук бозуларны профилактикалау өлкәсендә координация советы утырышы булды

Бүген хакимиятнең зур залында Зәй муниципаль районында хокук бозуларны профилактикалау өлкәсендә координация советы утырышы булды. Утырыш эшендә комиссия әгъзалары, җирле үзидарә органнары, структур бүлекчәләр, хокук саклау органнары, район массакүләм мәгълүмат чаралары җитәкчеләре һәм белгечләре катнашты. Авыл җирлекләрендә «Профилактика советлары» эшчәнлеге белән Бигеш авыл җирлеге башкарма комитеты җитәкчесе И.Р.Вәлиев таныштырды. Хәрби хезмәт үткән гражданнарны эшкә урнаштыру буенча ярдәм чаралары турында Зәй шәһәре халыкны эш белән тәэмин итү үзәге директоры Е.В. Андреева һәм Зәй шәһәре һәм Зәй районы хәрби комиссары А.Ф. Әгъләмҗанов, көнкүрештә исерек хәлдәге затлар тарафыннан кылынган җинаятьчелек күрсәткечләре турында Россия Эчке эшләр министрлыгының Зәй районы буенча бүлеге полиция башлыгы урынбасары В.В. Архипов сөйләде. Утырышка йомгак ясап, координация советы рәисе Зәй муниципаль районында хокук бозуларны профилактикалау эшен көчәйтергә тәкъдим итте.