Район башлыгы зәйлеләрне Пасха бәйрәме белән котлый

Хөрмәтле православие динен тотучы зәйлеләр! Сезне чын күңелдән бөек пост тәмамлану һәм якты Пасха бәйрәме якынлашу белән котлыйм! Бу бәйрәм – рухи яңарыш, яшәеш һәм мәрхәмәтлелек символы, безнең игелеккә һәм гаделлеккә ышанычыбызны ныгыта. Пасха рухи яңарыш, яхшы күңеллелек һәм шәфкатьлелек символы булып тора, безнең игелеккә һәм гаделлеккә ышанычыбызны ныгыта. Христосның яңадан терелеп торуын дин тотучылар рухи яңарыш буларак кабул итә. Ә шушы ышаныч илебезне көчле һәм бердәм итә: болар – шәфкатьлелек, түземлелек, кичерә белү, ватанпәрвәрлек һәм якыннарыңа мәхәббәт билгесе. Пасха безнең күңелләрдә тынычлык, иминлек һәм гаделлекнең тантана итәчәгенә өмет-ышаныч тудыра. Ул православие динендәге зәйлеләрнең өйләренә тынычлык, иминлек һәм игелек белән керсен, туганнарыгыз һәм якыннарыгыз белән аралашу җылысын бирсен. Барыгызга да хыялларыгызның һәм изге башлангычларыгызның чынга ашуын телим. Сезгә сәламәтлек, иминлек һәм мул тормыш телим.