Зәйдә «Бәхетле балачак-2021» шигырь бәйгесенә йомгак ясалды

«Алтынчәч» балалар бакчасында жюри әгъзалары «Бәхетле балачак - 2021» конкурсына йомгак ясадылар. Быел «Бәхетле балачак» VI муниципаль шигырь укучылар конкурсы Татарстан Республикасында Туган телләр һәм халыклар бердәмлеге елына һәм Зәй муниципаль районында Туган як елына багышланган иде. Конкурс дистанцион формада үткәрелде. Балалар «Туган телебезне саклап калыйк! " дигән темага төрле авторларның шигырьләрен сөйләделәр. Быел конкурста 15 шәһәр һәм 4 район балалар бакчаларында тәрбияләнүчеләр катнашты. Конкурска бәяне мәгариф бүлеге методистлары, татар теле тәрбиячеләренең методик берләшмә җитәкчесеннән торган дәрәҗәле жюри бирде. Нәтиҗәдә һәр яшь төркемендә «Милләт горурлыгы», «Сүз остасы», «Иң эмоциональ башкаручы», «Эчкерсез башкаручы», «Җиңүгә омтылучы» номинацияләре буенча 1, 2, 3 урыннар җиңүчеләр ачыкланды. Конкурста катнашучыларның барысы да дипломнар белән бүләкләнде.