Зәйдә Россия студентлары көненә багышланган чара узды

С. Рафыйков исемендәге Үзәк китапханәдә Россия студентлары көненә багышланган чара узды. Анда Зәй политехника көллиятенең 1 нче курс укучылары чакырылган иде. Чарада катнашучылар өчен «Татьяна көне» дип аталган күргәзмә оештырылган иде. Китапханәче бәйрәмнең килеп чыгу тарихы, гореф-гадәтләре һәм билгеләре турында сөйләде. Программа видеороликлар күрсәтү һәм төрле күңелле конкурслар белән дәвам итте. Студентлар конкурсларда актив катнаштылар һәм истәлекле сувенирлар алдылар. Чара ахырында истәлеккә фотога да төштеләр.