«Искиткеч әйдаман»

23 гыйнвар көнне Балалар иҗат йортының актлар залында «Иң яхшы әйдаман» конкурсының муниципаль этабы узды. Әлеге конкурста «Легендалар 17» педагогик отрядыннан дүрт әйдаман катнашты. Азат Габдрахманов -6 мәктәп, Никита Беляев- 3 мәктәп, ә Валерия Шемановская - 7 мәктәп исеменнән чыгыш ясады. «Легенда 17» педагогик отряды командиры Светлана Кандалинцева "Яшьләр үзәге" һәм Зәй студентлар хезмәт отрядлары үзәге белән таныштырды. Программага 4 конкурс кергән иде: - Визитка-презентация; - Балалар һәм мәктәп хәрәкәтләре темасы буенча сораулар; - Педагогик ситуацияләр конкурсы; - Уен, бию, зал белән флешмоб. Әйдаман һөнәре-бик мөһим һәм җаваплы шөгыль, барлык катнашучылар да конкурс биремнәрен ныклы әзерлек белән башкардылар. 3 сәгатькә якын иң актив әйдаманнар мастер-класслар күрсәттеләр, сорауларга җавап бирделәр һәм аудитория белән эшләделәр, сыйныфташлары, укытучылары һәм дуслары аларга көч биреп торды. Барлык биремнәр нәтиҗәләре буенча урыннар түбәндәгечә бүленде: Гран-при - Сабирова Илиана-4 нче мәктәп; 1 урын- Мингазова Эльвина-5 нче мәктәп; 2 урын- Кандалинцева Светлана - МБУ "Яшьләр үзәге"; 3 урын- Галимов Эмиль- Р.Ш. Фәрдиев исемендәге татар гимназиясе.