Бохарай һәм Александр Бистәсе авыл җирлекләрендә район башлыгы җирле халык белән очрашты

Бохарай һәм Александр Бистәсе авыл җирлекләрендә җирле халык белән район башлыгы Разиф Гали улы Кәримов очрашты. Район башлыгы катнашучыларны 2019 елда Зәй районының икътисадый үсеше, 2020 елда гамәлгә ашырылачак яңа планнар һәм проектлар белән таныштырды. Александр Бистәсе авыл җирлеге башлыгы Л. Г.Варганова һәм Бохарай авыл җирлеге башкарма комитеты җитәкчесе урынбасары О. Н. Минекаева узган елга йомгак ясадылар һәм 2020 елга планнар билгеләделәр. Бохарай авыл җирлегендә Башкарма комитет җитәкчесе вазыйфаларын башкаручы итеп Груздева Елена Владимировна билгеләнде. Шулай ук авыл хуҗалыгына, авыл җирлекләрендәге оператив хәлгә һәм сәламәтлек саклауга кагылышлы мәсьәләләр каралды. Авылның иҗтимагый тормышында актив катнашканы өчен Александровка авыл җирлеге ветераннар Советы рәисе Егорова Валентина Ивановна район башлыгының Рәхмәт хаты белән бүләкләнде. Район башлыгының Рәхмәт хатлары шулай ук 5 нче номерлы филиалның Бохарай авыл китапханәсе китапханәчесе - Миронова Наталья Николаевна, Бохарай фельдшер-акушерлык пункты мөдире – фельдшер Чернова Зинаида Ефимовнага тапшырылды. Халык белән очрашуга район башлыгы Разиф Гали улы Кәримов йомгак ясады.