Аксар авылында яшәүче ветеранны 90 яшьлек юбилее белән котладылар

23 гыйнварда Аксар авылында яшәүче тыл хезмәтчәне Зиннәтов Салих Зиннәт улы үзенең 90 яшьлек юбилеен билгеләп үтә. Юбилярны котларга район башлыгы урынбасары В.Г. Акатьев, Аксар авыл җирлеге башлыгы урынбасары Г.Р. Гилаева һәм район мәдәният йорты автоклубы хезмәткәрләре килделәр. Ветеранга Россия Федерациясе Президенты В.В. Путин һәм Зәй муниципаль районы башлыгы Р.Г.Кәримов исеменнән котлау хатлары һәм бүләкләр тапшырылды. Юбиляр хөрмәтенә җылы теләкләр һәм аның яраткан җырлары яңгырады.