Субсидия билгеләү эше - тиешле югарылыкта

Социаль яклау идарәсе үзәктән җылыту системасыннан файдаланган өчен түләү чыгымнарына субсидия билгеләү өчен документлар кабул итүне дәвам итә.

 

Идарә җитәкчелеге эшне җитди, зур чиратлар булдырмыйча, халык коткыга би-релмәстәй, ыгы-зыгы тудырмаслык итеп оештырды. Моның өчен шәһәр 6 участокка бүленгән. Кемнең кайсы участокка каравы, кайсы вакытта мөрәҗәгать итә алуы түләү кәгазьләренең артында күрсәтелгән. Идарә иртәнге сәгать сигездән кичке җидегә кадәр эшли. Белгечләр көненә 30 кеше кабул итәргә тиеш булса да, мөрәҗәгать итүчеләр саны 60-70тән артып китә. Бу халыкның күрсәтелгән графикны дөрес үтәмәвеннән килә. 11 октябрьгә 2413 гариза алынган, алар эшкәртелә барып, түләү күләме билгеләнгән. Субсидия билгеләүдәге документларны эзләүдә мәшгульлек үзәге, идарәче компания, теркәү палатасы, башка шәһәрләрдәге пенсия фонды идарәләре белән хезмәттәштә ителә.