Татарстан Республикасы Авыл хуҗалыгы һәм азык-төлек министрлыгы зәйлеләрне Бакчачы көне белән котлый

Бакчачылыкны һәм яшелчәчелекне үстерү максатларында Татарстан Республикасы Дәүләт Советы 2019 елның 11 июлендә түбәндәге карарны кабул итте: “Сентябрьнең беренче шимбәсен Татарстан Республикасының бәйрәм көне – Бакчачы көне итеп билгеләргә”. Быел бу көн 7 сентябрьдә билгеләп үтелә. Татарстанда 900дән артык коммерциягә карамаган бакчачылык ширкәте теркәлгән. 1 миллионнан артык граждан гомуми мәйданы 20 мең гектар булган 386 мең бакча кишәрлегеннән файдалана. Бакчачы көне – үзләренең бакча һәм яшелчә кишәрлекләреннән уңыш үстереп алучы, туган җирне һәм хезмәтне яратучы кешеләр бәйрәме ул. Татарстан Республикасы Авыл хуҗалыгы һәм азык-төлек министрлыгы бакчачыларга ярдәм итү буенча зур тырышлык күрсәтә. Республика бюджетыннан 2017–2018 елларда бакчачылар проблемаларын хәл итүгә 1 миллиард сумнан артык акча бүлеп бирелде, 52 скважина, 271 каты көнкүреш калдыкларын җыю һәм чыгару мәйданчыгы, 15 километрдан артык суүткәргеч, 64 км керү юллары һәм 107 км электр линиясе ремонтланды. Бакчачылык һәм яшелчәчелек берләшмәләренең инженерлык инфраструктурасы объектларын ремонтлау буенча эшләр дәвам итә. Министрлык үз җирендә уңыш үстереп алучыларның, үз балаларына һәм оныкларына җиргә хөрмәт сеңдерүчеләрнең барысына да олы ихтирам белән карый. Сезгә нык сәламәтлек, гаилә бәхете, имин тормыш һәм хезмәтегездән ямь-тәм табып, шуның рәхәтен күреп яшәвегезне тели!