Зәй музыка мәктәбендә белем көнен билгеләп үттеләр

2 сентябрь көнне Зәй балалар музыка мәктәбендә белем көнен билгеләп үттеләр. Бу бәйрәмнең аерым мизгелләре – чәчәкләр бәйләме, уку елы башлану шатлыгы да! Барлык укучыларга, укытучыларга һәм ата-аналарга котлау сүзләре белән мәктәп директоры Д.Б. Коронова һәм Зәй муниципаль районы мәдәният идарәсе башлыгы урынбасары Р.Ф.Гомәрова мөрәҗәгать иттеләр. Алар барлык катнашучыларны уку елы башлану белән котладылар, аларга иҗади уңышлар, яңа ачышлар теләделәр. Бәйрәм концерты чараның иң матур бизәге булды, аның нигезен балалар сәнгать мәктәбе укучыларының шигырь-театраль-тамаша һәм концерт номерлары тәшкил итте. 2019-20 нче уку елында музыка мәктәбенә 53 беренче сыйныф укучысы керде. Хәерле юл сезгә!