Зәй муниципаль районы мәктәпләрендә тантаналы линейкалар узды

2019 елның 2 сентябрендә Зәй муниципаль районында Белем көнен бәйрәм итү уңаеннан тантаналы линейкалар узды. 2019-2020 нче уку елында 5163 укучы 22 мәгариф учреждениесендә, 133 укучы сәламәтлекләре буенча мөмкинлекләре чикләнгән балалар өчен 9 нчы мәктәптә белем алачак. Бүген 679 беренче сыйныф укучысы белем иленә беренче адымнар ясый! Алар өчен киләсе ел Яңа, бай эчтәлекле, якты тормышның мөһим этабы булачак, ә мәктәп тормышы бик күп җаваплы һәм җитди сынаулар әзерли. Бүген барлык беренче сыйныф укучыларына да Татарстан Республикасы Президенты Рөстәм Нургали улы Миңнеханов, Зәй муниципаль районы башлыгы Разиф Гали улы Кәримов һәм «АК БАРС» БАНК ачык акционерлык җәмгыяте идарәсе рәисе Гараев Зөфәр Фәнил улы исеменнән бүләкләр тапшырылды. Зәй муниципаль районы башлыгы Разиф Гали улы Кәримов катнашында тантаналы линейкалар 7 нче урта мәктәптә һәм «Зәй политехника көллияте» дә узды. Укучылар һәм студентлар алдында чыгыш ясап, район башлыгы Р. Г. Кәримов барысына да уңышлар, сыйфатлы белем алу һәм быелгы уку елы якты вакыйгаларга һәм иҗади ачышларга бай булсын дип теләде. Район башлыгы шулай ук армый – талмый хезмәт иткән педагогларга, һөнәри осталыклары һәм югары рухи сыйфатлары киләчәгебезне билгеләгән педагогларга ихлас күңелдән рәхмәт белдерде һәм аларның уңышларына мөмкин кадәр ешрак сөенергә, аларның уңышлары белән горурланырга теләде.