Зәй районының хезмәт базары торышына кыскача анализ

Татарстан буенча дәүләт статистикасы федераль хезмәте мәгълүматлары буенча, Зәй муниципаль районында 30,1 мең хезмәт яшендәге кеше исәпләнә, аларның 28,7 меңе икътисадның төрле тармакларында эшли, 1,4 мең кешенең, ягъни хезмәт көченең 4,7% шөгыле юк. 2019 елның 1 нче сентябренә Зәй шәһәре халык мәшгульлеге үзәгендә 100 эшсез граждан теркәлгән (01.01.2019 - 125). Ел башы белән чагыштырганда, эшсезлек дәрәҗәсе 0,08 % ка төшеп, 0,33% тәшкил итте. Татарстан Республикасы буенча эшсезлек дәрәҗәсе 0,56 % тәшкил итә. Россия хезмәт министрлыгының 30.12.2014 елда расланган “Оешманы ликвидацияләү яки хезмәткәрләр штатын яки санын кыскарту сәбәпле, хезмәткәрләрне эштән чыгаруның мониторингын оештыру һәм хезмәткәрләрнең тулысынча мәшгуль булмавы турындагы” 1207 номерлы карары нигезендә Татарстан Республикасы хезмәт, мәшгульлек һәм социаль яклау министрлыгы тарафыннан хезмәткәрләрнең эштән азат ителүе контрольдә тотыла. Эш бирүчеләр тарафыннан Зәй шәһәренең мәшгульлек үзәгенә тапшырылган мәгълүматлар буенча, якын өч айда 4 кеше эштән азат ителергә мөмкин. Август ае дәвамында мәшгульлек үзәгенә төрле сораулар белән 305 кеше мөрәҗәгать итте, 98е эш эзләүче буларак теркәлде, 177 кеше эшкә урнаштырылды. Эш бирүчеләр агымдагы чорда 322 вакансия буенча кадрлар эзләде, аларның күбесе (80%) эшче һөнәрләргә туры килә. Бүгенге көндә район оешма-предприятиеләренә машинист, табиб, ярдәмче хезмәткәр, яшел хуҗалыкта эшләүче, пешекче, тегүче, сатучы кирәк. Хезмәт базарында киеренкелек коэффиценты бер вакансиягә 0,24 кеше тәшкил итә (405 вакансия).