Район башлыгы Разиф Кәримов зәйлеләрне Республика һәм Шәһәр көне белән котлый

Хөрмәтле зәйлеләр һәм шәһәр-районыбыз кунаклары! Сезне чын күңелемнән Республика көне һәм Шәһәр көне белән котлыйм. Татарстан - бүгенге көндә бай тарихы, мәдәни традицияләре, гражданлык җәмгыяте үсеш алган Россия Федерациясенең куәтле, үсә баручы төбәкләренең берсе. Безнең республикабыз - тотрыклылык, иминлек һәм бердәмлек үрнәге. Республикабызда йортлар төзелә, юллар салына, социаль инфраструктура үсеш ала, сәнәгатьтә яңа технологияләр гамәлгә кертелә. Татарстаныбыз елдан-ел дөньяда таныла һәм хөрмәт яулый бара, монда безнең һәрберебезнең дә өлеше бар. Агымдагы елда Татарстан Республикасы көне 8 сентябрьдә узачак Дәүләт Советына депутатлар сайлауга әзерлек барган вакытка туры килде. Парламентның яңа составын сайлау – мөһим вакыйга. Ул исә республикабызның чәчәк атуы һәм үсеше өчен ирешелгәннәрне саклау һәм ныгытуга юнәлдерелгән анык зур эш. Зәй муниципаль районында күп кенә республика һәм муниципаль проектлар һәм программалар уңышлы тормышка ашырыла. Алар бер-берсен тулыландырып, зәйлеләрнең мул тормышын тәэмин итүгә хезмәт итә. Бездә авыл клублары, сәламәтлек саклау һәм спорт объектлары төзелә, йортлар, балалар бакчалары ремонтлана, юллар һәм тротуарлар салына, ишегаллары төзекләндерелә. Бөртекле культураларны җыеп алу эше төгәлләнүгә бара. Һава шартларының уңайсыз килүенә карамастан, игенчеләребез бөртекле культуралардан һәм шикәр чөгендереннән яхшы уңыш үстерделәр. Аларга фидакарь хезмәтләре өчен рәхмәт! Хөрмәтле зәйлеләр, бу бәйрәм көннәрендә сезгә ныклы сәламәтлек,киләчәк көннәргә ышаныч, шатлыклар, барлык башлангычларыгызда уңышлар,татулык, иминлек, республикабыз һәм районыбыз хакына нәтиҗәле эш телим.