Зәйдә WorldSkills дөнья чемпионаты ябылуга багышланган күчмә музей дәресе узды

27 августка «Кыңгырау» балалар бакчасында WorldSkills дөнья чемпионаты ябылуга һәм эшче һөнәрләр елына багышланган «Барлык эшләр дә яхшы» дигән күчмә музей дәресе узды. Быел Россия җыелма командасы составында чемпионатта якташыбыз, «Яшь профессионаллар» төбәк чемпионаты (WorldSkills Russia) җиңүчесе, WorldSkills DigitalSkills стандартлары буенча мәгълүмати технологияләр өлкәсендә I һәм II тармак чемпионаты җиңүчесе Великанов Ярослав Николаевичта бар иде. Ярослав Зәйдә 1999 елның 13 октябрендә туган, 1 нче мәктәптә укыган. Чемпионатта 63 илдән 1,3 меңнән артык кеше катнашты, алар 56 компетенциядә көч сынашты: агач эшеннән алып флористикага кадәр, чәчтараш сәнгатеннән алып электроникага кадәр, кузов ремонтыннан алып икмәк пешерүгә кадәр эшләр күрсәтелде. Әлеге дөньякүләм вакыйга кысаларында, туган якны өйрәнү музее хезмәткәрләре мәктәпкәчә яшьтәге балалар өчен уен чарасы үткәрделәр. Чарада катнашучылар музей истәлегенә «Җанлы экспозициягә» чакыру билетлары алдылар.