Район башлыгы Разиф Кәримов Евгений Давыдов призына хоккей турниры ачылышында катнашты

Бүген Зәйдә Олимпия уеннары чемпионы Евгений Давыдов призына хоккей буенча Бөтенроссия турниры ачылды. Ачылу тантанасында район башлыгы Кәримов Разиф Гали улы, район башлыгы урынбасары Акатьев Валерий Григорьевич, Олимпия уеннары чемпионы Давыдов Евгений Витальевич, район Башкарма комитеты җитәкчесе урынбасары Чапков Александр Владимирович, физик культура, спорт һәм туризм идарәсе башлыгы Әшрапов Илфат Зиннур улы катнашты. Зәйдә турнир инде тугызынчы тапкыр уза. Быел турнирда 8 команда катнаша: «Ак Барс» (Казан), «Салават Юлаев» (Уфа шәһәре), «Нефтехимик» (Түбән Кама шәһәре), «Нефтяник» Әлмәт шәһәре, «Титан» Удмуртия Республикасы, «Олимп» Самара шәһәре, «Вятка» (Киров шәһәре), «Яшьлек» (Зәй шәһәре). Шул ук көнне Боз сарае да үзенең 10 еллык юбилеен билгеләп үтә.