Район башлыгы Разиф Кәримов «Созвездие-Йолдызлык» фестиваленең истәлекле Кубогы белән бүләкләнде

Бүген Мирный бистәсендә район башлыгы Р.Г. Кәримов катнашында «Созвездие-Йолдызлык» фестиваль хәрәкәтенең хәйрия концерты узды. Чара «РИТЭК» ҖЧҖ һәм район җитәкчелеге ярдәме белән фестиваль хәрәкәте җитәкчелеге инициативасы белән оештырылды. Зәйлеләрне район башлыгы Разиф Кәримов һәм Татарстан Республикасы Дәүләт Советына депутатлыкка кандидат, «РИТЭК» ҖЧҖ генераль директоры урынбасары Николай Нефедов сәламләделәр. «Созвездие-Йолдызлык» Республика фестиваль хәрәкәтенең генераль продюсеры Дмитрий Туманов район башлыгы Р.Г. Кәримовка Татарстан Республикасының Милли яшьләр иҗаты элитасын булдыруга керткән өлеше өчен, Диплом һәм истәлекле кубок тапшырды. Дмитрий Туманов шулай ук фестивальгә һәм аның яшь катнашучыларына ярдәм күрсәткәне өчен Разиф Кәримовка ихлас күңелдән рәхмәт белдерде. Зәйдә талантлы балаларның күп булуын, алар арасында «Йолдызлык» ның төрле еллардагы лауреатлары һәм җиңүчеләре булуын билгеләп үтте, ә «Мирас» ансамблен фестивальнең «Бриллианты» дип атады. Бүген биредә зәйлеләр алдында «Созвездие – Йолдызлык» эстрада сәнгатенең республика телевизион яшьләр фестивале лауреатлары һәм җиңүчеләре чыгыш ясады. Шундый ук концерт программасы берничә минуттан соң Р. Ш. Фәрдиев исемендәге паркта тамашачылар игътибарына тәкъдим ителәчәк.