Зәйдә "Сабантуй гүзәле" билгеле булды

"Сабантуй туе гүзәле- 2019» район конкурсы шәһәр һәм район яшьләре арасында татар милли мәдәниятен, гореф-гадәтләрен үстерү һәм пропагандалау максатыннан үткәрелә. Бүген район конкурсында ун гүзәл кыз катнашты. Кызларга 4 конкурс этабын узарга кирәк булды. Призлы урыннар түбәндәге номинацияләр буенча бирелде: «Иң шаян» кыз – Мирный бистәсеннән Локманова Алинә, «Иң милли» кыз Карманнан - Әхмәтшина Айсылу, «Иң заманча» кыз Югары Шепкәдән Ибраһимова Алинә, «Иң үткен»кыз Дүрт-Мунчадан - Гәйфуллина Зилә, «Иң иҗади» кыз Әхмәттән Батаева Венера, «Иң мөләем» кыз Аксардан Мослахова Зилә, «Иң зифа»кыз Дүрт-Мунчадан - Гәрәева Эльвина, «Иң зәвыклы» кыз Сармашбаштан – Мәрдәнова Розалия, «Иң нәзәкатьле» кыз Имәнлебаштан Гәрәева Исламия. "Сабантуй туе гүзәле-2019» мактаулы исеменә Мирный бистәсендә яшәүче Ченцова Резеда лаек булды. Җиңүчеләрне һәм номинантларны бүләкләү тантанасын Зәй муниципаль районы башлыгы Разиф Гали улы Кәримов үткәрде.