Зәйдә Халыкара балаларны яклау көненә багышланган «ГТО геройлары ярышы» спорт чарасы узды

1 июнь көнне «Энергия» стадионында Халыкара балаларны яклау көненә багышланган «ГТО геройлары ярышы» (ГТО элементлары белән катнаш эстафета) спорт чарасы узды. Ярышларда шәһәрнең гомуми белем бирү мәктәпләре командалары катнашты: 2 нче мәктәп, 4 нче мәктәп, 7 нче мәктәп һәм «Р. Ш. Фәрдиев исемендәге татар гимназиясе». Урыннар түбәндәгечә бүленде: 1 урын-татар гимназиясе командасы, 2 урын-4нче мәктәп командасы, 3 урын-7нче мәктәп командасы, 4 урын-2нче мәктәп командасы. Җиңүчеләр һәм призерлар физик культура, спорт һәм туризм идарәсенең грамоталары һәм медальләре белән бүләкләнделәр, барлык катнашучыларга татлы бүләкләр тапшырылды.