Зәйдә "Ачык һавада мәдәни Зәй" фестивале узды
Быел җәй беренче тапкыр Зәй муниципаль районында Мәдәният елы кысаларында, «Ачык һавада мәдәни Зәй " фестивале узды. Фестиваль 2019 елның 29 маеннан 1 июненә кадәр, Зәй муниципаль районы Башкарма комитетының мәдәният идарәсе ярдәме белән үтте. Чараны оештыручылар булып «Балалар музыка мәктәбе» муниципаль бюджет учреждениесе, “Энергетик”мәдәният йорты булды. Фестивальнең музыкаль программасы төрле жанрларны үз эченә алды. Р. Ш. Фәрдиев исемендәге мәдәният һәм ял паркында «Визит» джаз оркестры (Яр Чаллы шәһәре, җитәкчесе Татарстан Республикасының атказанган сәнгать эшлеклесе Владимир Завьялов), «Әлмәт» камера оркестры (Әлмәт шәһәре, җитәкчесе Әлмәт музыка көллияте укытучысы Юлия Страхова), урам театры спектакле (Әлмәт шәһәре, җитәкчесе Гөлназ Ханнанова), шигърият сөючеләр өчен «Музыка һәм әдәбият» концерты. Концертта катнашучылар "Зәйгә мин бу юлларны бүләк итәм” шигырь конкурсында катнашучылар. Фестиваль 4 көн эчендә 800дән артык кешене җыйды. «Ачык һавада мәдәни Зәй» шәһәр халкына онытылмаслык һәм якты тәэсирләр бүләк итте.